بشكل بسيط حابه اعرض لكم كيفية عمل كيك خروف عيد الاضحي بشكل جميل بالكريم شانتية تفيدكم بمشروعكم المنزلي او للاطفال كتير هينبسطوا بيها ان شاء الله وكل عام وانت بخير وعافية
ماهي وصفة الكيك المستخدمة بعمل هذا الكيك ؟
تقدروا تستخدموا اي وصفه كيك اسفنجي معتمد عندكم طبعا
انا استخدمت هنا بعمل كيك الخروف الكيك علي الطريقة اليابانيه كيك هشه ورائع بدون اي محسنات وطعمه حلو جدااا
هل يمكن عمل نفس الكيك باي نوع كريمة زبدة ؟
نعم يمكن عمله باي نوع كريمة زبدة
هل ممكن التزيين بعجينة السكر يدوب علي الكريم شانتيه هنا بالكيك ؟
نعم لابد من اضافه بودر cmc
للعجينة لتجف ولا تذوب او استخدم عجينة جم بيست خاصه لو الكيك اوردر هيخرج من البيت ويتنقل وممكن يتعرض للحرارة
لكن لو الكيك مغلف بكريمة الزبده يمكن التزيين بعجينة السكر عادي بدون قلق
تزيين كيك بشكل خروف العيد الاضحي بالكريم شانتيه وعجينة السكر بشكل بسيط وجميل
المكونات
4 جرام بياض بيض
4 جرام صفار بيض
120 جرام سكر
120 جرام دقيق
40 جرام حليب
20 جرام زيت
طريقة التحضير
1)
نخفق البياض مع السكر حتي يصبح مارينج
نضيف الصفار ونقلب حتي يمتزج الخليط
نضيف الدقيق بعد الخفق ونقلب جيداا
اخر حاجة نخلط الحليب والزيت علي بعض وننزل بيهم علي الخليط ونقلب جيداااا حتي يتجانس الخليط كله
صبيت الخليط بقالب الكيك نص كره 15 سم
تدخل الفرن مسخن مسبقا علي درجة حراره 170 المقاس كان صغير اخدت حوالي 30 دقيقة
غلفتها وحفظتها يوم كامل بالثلاجة وده افضل دايما نعمله باي كيك
2)
قسمت الكيك ل3 شرايح وبدأت احشي كريم شانتيه عادي مع شرايح من الفراوله والتوت
احشو زي ماتحبو لكن الكيك صغير مش محتاج حشو كتير وضروري الكريمة تكون متماسكه
3)
بعد الحشو هغلف الكيك من الخارج بطبقة خفيفه كده من الكريمة واحاول تمليسها باي اسكرابر او قطعه بلاستيك من مجلدات المكتبة لان الكيك دائري ومحتاجة حاجة تلف معايا وتساعدني علي التمليس
هدخلها المجمد ساعتين الحشو والتغليف الخارجي يشد شويه ويتماسك وانا اجهز باقي الشغل للتزيين بعجينة السكر